ማሻ ፣ የመጋቢት 24፣ 2017 (ማሻ ኤፍ ኤም) ትናንት ፤ ዛሬና ነገን ለኢትዮጵያ ልዕልና በሚል መርህ ቃል ባለፋት የለውጥ አመታት በየዘርፉ የተከናወኑ ተግባራትን የሚገምግም እና የለውጡን ትሩፋቶች የሚዘክር መድረክ በቦንጋ ከተማ ተጀምሯል ።
የክልሉ መንግስት ዋና ተጠሪው መድረኩን ሲከፍቱ መጋቢት 24 ኢትዮጵያን የሚያሻግሩ መሰረቶች የተጣሉበት በመሆኑ ሁሌም ይዘከራል ብለዋል ።
ባለፉት የለውጥ አመታት የህዝቡን የጋራ ተጠቃሚነት ያረጋገጡ ተግባራት በየዘርፉ መከናወናቸውንም የመንግስት ዋና ተጠሪው አውስተዋል መላው አመራርና ህዝቡ የለውጡ ትሩፋቶችን ወደላቀ ደረጃ ለማሸጋገር የተጀመረውን ርብርብ እንዲያጠናክረው ጥሪ አቅርበዋል ።
የክልሉ ምክትል ርዕሰ መስተዳደር እና የብልፅግና ፓርቲ ስራአስፈጻሚ ኮሚቴ አባል አቶ ማስረሻ በላቸው በበኩላቸው የለውጡ መንግስት በየዘርፉ የቀየሳቸው አቅጣጫዎች የክልሉን ህዝብ ተጠቃሚ ያደረጉ ተግባራት መከናወናቸውን ጠቁመዋል ።
ከተረጂነት ለመላቀቅ በተደረገው ርብርብ የግብርና ምርታማነት ማደጉን በመጥቀስ።
በሰላም፣ብዝሃነት እና አብሮነት ዕሴቶች ግንባታ ዘርፍ በተከናወኑ ተግባራት ወንድማማችነትንና ትብብርን የሚያስቀድም የፖለቲካ ስርዓት መገንባት መቻሉን አቶ ማስረሻ ጠቁመዋል ።
መጋቢት 24ን ማስታወስ ባለፉት 7 አመታት የተከናወኑ ተግባራትንና የተመዘገቡ ድሎችን ለማስቀጠል የሚያስችል መነሳሳት እንደሚፈጥር የክልሉ ምክትል ርዕሰ መስተዳደር እና የብልፅግና ፓርቲ ስራ አስፈጻሚ ኮሚቴ አባል አቶ ማስረሻ በላቸው አስገንዝበዋል።
More Stories
ለታላቁ የኢትዮጵያ ሕዳሴ ግድብ የሚደረገው ድጋፍ እንዲጠናከር ጥሪ ቀረበ
ሚዛን ቴፒ ዩኒቨርስቲ ልዩ የአዳር ትምህርት ተመቻችቶ የመማር ማስተማር ስራ መጀመሩ የበለጠ ውጤት እንድናስመዘግብ አግዞናል ሲሉ በሚዛን ቴፒ ዩኒቨርስቲ ልዩ የአዳር ትምህርት እድል ያገኙ ተማሪዎች ገለፁ ።
የመጋቢት 24 ፍሬዎች በሁሉም የኢትዮጵያ መንደሮች እንዲዳረሱ ተግተን እንሰራለን – ምክትል ጠቅላይ ሚኒስትር ተመስገን ጥሩነህ