የደቡብ ምዕራብ ኢትዮጵያ ሕዝቦች ክልል መንግስት ክልል ምክር ቤት 6ኛ ዙር 4ኛ ዓመት 7ኛመደበኛ ጉባኤ እየተካሄደ ነዉ ፡፡

በጉባኤው የክልሉ መንግስት የ2017 በጀት ዓመት የስድስት ወራት የአፈጻጻም ሪፖርት በርዕሰ መስተዳድር ዶክተር ኢንጂነር ነጋሽ ዋጌሾ በመቅረብ ላይ ይገኛል ፡፡

ርዕሰ መስተዳድሩ ለምክርቤቱ አባላት ባቀረቡት የ6 ወራት የአፈጻጸም ሪፖርት በኢኮኖሚው ልማት ዘርፍ የተሻሉ ተግባራት መከናወናቸውን አንስተዋል ፡፡

ርዕሠ መስተዳድሩ ካነሱዋቸው ነጥቦች መካከል፡-

በመኸር የግብርና ሥራዎች አዝመራ በተከናወነ ተግባር 384 ሺህ 786 ሄክታር የማሣ ሽፋን ተከናውኗል

በተሰራው የግብርና ልማት ስራዎችም ከ17 ሚሊየን ኩንታል በላይ ምርት ተገኝቷል።

ለምርትና ምርታማነት መጨመር 145 ሺህ 909 ኩንታል የአፈር ማዳበሪያ ቀርቦ ተሰረጭቷል ፡፡

የተቀናጀ ተፋሰስ ልማት ሥራ አጠናክሮ ለማስቀጠል ነባርና አዲስ የሚለሙ በቁጥር 1,161 ንዑስ ተፋሰስ በመለየት ወደ ስራ ተገብቷል፡፡

በክረምት ተከላ የተለያዩ ዘርፈ ብዙ ጠቀሜታ ያላቸው 145 ሚሊዮን 628 ሺህ 40 ችግኞች በንቅናቄ፣ ተከላ ተከናውኗል

በአንድ ጀምበር ተከላ 24 ሚሊዮን 532 ሺህ 365 ችግኞችን የህብረተሰብ ክፍሎችን በማሳተፍ መትከል መቻሉ።

20 ሺህ 700 ቶን የማር ምርት ማምረት መቻሉ

በበጀት ዓመቱ አጋማሽ የታጠበና ያልታጠበ በድምሩ 25 ሺህ 47 ቶን የቡና ምርት ወደ ማዕከላዊ ገበያ ቀርቧል

21ሺህ 877 ቶን የተለያየ ዓይነት የቅመማ ቅመም ምርት ለማዕከላዊ ገበያ ቀርቧል

2ሺህ 813 ቶን የሻይ ምርት ወደ ማዕከላዊ ገበያ መቅረብ ተችሏል

ክልላዊ የደን ሽፋንን በመጨመር ለኢኮኖሚያዊ ዕድገት የሚያበረክተውን አስተዋጽኦ ለማሳደግ 834 ሄ/ር በህገ ወጥ መንገድ የተወረረ ደን መሬት ወደ መሬት ባንክ የማስመለስ ሁኔታ ተፈጥሯል

የንግድ ምዝገባ፣ ፈቃድና ዕድሳት አገልግሎት በዘመናዊ ቴክኖሎጂ በመደገፍ ተከናውኗል በዚህም ከካፒታል ምዝገባ አንፃር ብር 7,243,047,962 ተመዝግቧል፡፡

ነዳጅ ምርት አስተዳደርና ስርጭት በ 31 የነዳጅ ማደያዎች 14,047,091 ሊትር ቤንዚን እና 47,992,288 ሊትር ናፍጣ ቀርቦ ለተጠቃሚዎች ተሰራጭቷል፡፡

የማክሮ ኢኮኖሚ ማሻሻያዉን ተከትሎ ምርት ባከማቹና አግባብ ያልሆነ ዋጋ ጭማሪ ባደረጉ ነጋዴዎችና የንግድ ድርጅቶች ላይ ህጋዊና አስተዳደራዊ ዕርምጃ በመዉሰድ ዋጋ የማረጋጋት ሥራ መሰራቱ

252 የንግድ ድርጅቶች በህገወጥ ንግድ እንቅስቃሴዎች በመሳተፋቸው አስተዳደራዊና ህጋዊ እርምጃ መወሰድ ተችሏል

የኢንቨስትመንት ስራዎች አፈፃፀምን በሚመለከት በኢንቨሰትመንት ዘርፍ አዲስ ፍቃድ በግብርና 30 ፤ በኢንድስትሪ 10 እና በአገልግሎት14 ተከናዉኗል፡፡

54 አዲስ የኢንቨስትመንት ፈቃድ ከወሰዱ ፕሮጀክቶች 4 ነጥብ ቢሊየን ብር ካፒታል ተመዝግቧል፡፡

በክልሉ በ5 ሚሊዮን ኮድረስ 11,020 ተመዝግበው በመማር ላይ ይገኛሉ።

የክልሉን ዲጂታል ኢኮኖሚ ተጠቃሚነት ለማሳደግ በክልሉ ላሉ የመንግስት ተቋማት 2 ድረ-ገጾችን ዲዛይን ማድረግ ተችሏል፡፡

የገቢ አሰባሰብ ስራን በዘመናዊ ቴክኖሎጂ ለማሳለጥ የሽያጭ መመዝገቢያ መሣሪያ ትግበራ 115 ግብር ከፋዮች ማሽኖችን ገዝተዉ እንዲጠቀሙ ተደርጓል

በክልሉ 5,788 የደረጃ ሀ እና ለ ግብር ከፋዩች ዉስጥ 39.58 በመቶ የሚሆኑት ማሽን ተጠቃሚ ሆነዋል

በመደበኛና ማዘጋጃ ቤታዊ ገቢ በግማሽ ዓመቱ 5 ቢሊየን ለመሰብሰብ ታቅዶ ብር 4ነጥብ 5 ቢሊየን (90.02%) መሰብሰብ ተችሏል ስሉ በሪፖርታቸዉ አቅርበዋል።

ዘገባው የክልሉ መንግስት ኮሙኒኬሽን ቢሮ ነው