ጠቅላይ ሚኒስትር ዐቢይ አሕመድ (ዶ/ር) ለነቢዩ መሐመድ (ሰዐወ) የልደት በዓል (መውሊድ) የእንኳን አደረሳችሁ መልዕክት አስተላልፈዋል፡፡ጠቅላይ ሚኒስትሩ ያስተላለፉት መልዕክት ሙሉ ቃል እንደሚከተለው ቀርቧል፡-እንኳን ለነቢዩ መሐመድ(ሰዐወ) የልደት በዓል (መውሊድ) በሰላም አደረሳችሁ።የመውሊድ በዓል መጠራታችንን የምናስብበት ቀን ነው። ነቢዩ መሐመድ (ሰዐወ) የመጡበትን ተልዕኮ፤ የሠሩትን ሥራና ያመጡትን ውጤት እናስባለን።ሰው ዝም ብሎ ወደ ዓለም አይመጣም። ተልዕኮ አለው። ታላላቅ ሰዎች የምንላቸው ሁሉ የመጡበትን ተልዕኮ ያወቁ፤ ዐውቀው ተልዕኳቸውን ለማሳካት የሠሩ፤ ለተልዕኳቸው ስኬትም ተገቢውን መሥዋዕትነት የከፈሉ ናቸው።የነቢዩ መሐመድ (ሰዐወ) መምጣት ዓለምን በፊት ከነበረችበት መልክና ጠባይ ቀይሯታል። መምጣታቸው የዓለም ታሪክ መክፈያ ሆኗል። በዘመናቸው መሥራት ያለባቸውን ሥራም ሠርተዋል።ለምን ወደዚህች ዓለም መጣሁ? የእኔ ተልዕኮ ምንድን ነው? ያ ተልዕኮስ የሰው ልጅን ሕይወት ወደ በጎ ምእራፍ የሚለውጥ ነው ወይ? ያንን ተልዕኮስ እያሳካሁት ነው ወይ? የሚለውን ካሰብን፣ ሀገር ብዙ ታላላቅ ሰዎችን ታተርፋለች። የሰው ልጅ ጉዞም መልካምን ጎዳና በሚሠሩ ሰዎች የተነሣ የተቃና ይሆናል።በዚህ የመውሊድ በዓል የሕይወት ተልዕኳችንንና የተልዕኳችንን ስኬት እያስተዋልን በዓሉን እንደምናከብር ተሥፋ አደርጋለሁ። የዘንድሮው በዓል ድርብ በዓል ነው። የዛሬ ሃምሳ ዓመት መጅሊስ የተቋቋመው በመውሊድ በዓል ቀን(ረቢ አል አወል 12ኛ ቀን) ነውና።በድጋሚ እንኳን ለነቢዩ መሐመድ (ሰዐወ) የልደት በዓል(መውሊድ) እና ለመጅሊስ ሃምሳኛ ዓመት በሰላም አደረሳችሁ።ኢትዮጵያ በልጆቿ ጥረት ታፍራና ተከብራ ለዘላለም ትኑር!!ፈጣሪ ኢትዮጵያና ሕዝቦቿን ይባርክ!መስከረም 4፣ 2017 ዓ.ም
FBC
More Stories
የቴፒ ከተማ መዋቅራዊ ፕላን ዝግጅት እየተገባደደ መሆኑን የደቡብ ምዕራብ ኢትዮጵያ ህዝቦች ክልላዊ መንግስት የከተሞች ፕላን ኢኒስቲትዩት ተገለጸ፡፡
የቻይና ኩባንያዎች በኢትዮጵያ በተመረጡ የግብርና፣ በቱሪዝም፣ በቴክኖሎጂ እና ማዕድን ዘርፎች እንዲሰማሩ ጥሪ ቀረበየቻይናዋ ግዛት ከፍተኛ ልዑካን የተሳተፉበት የቻይና-አፍሪካ (ኢትዮጵያ) የኢኮኖሚ እና የንግድ ትብብር ጉባኤ በአዲስ አበባ ተጀምሯል።
የፌደራል ቱሪዝም ማሰልጠኛ ኢንስቲትዩት ከደቡብ ምዕራብ ኢትዮጵያ ህዝቦች ክልል ባህል ቱሪዝም ና ስፖርት ቢሮ ጋር በመተባበር በዓለም ለ45ኛ በኢትዮጵያ ለ37ኛ በክልሉ ደረጃ ለ3ኛ ጊዜ የሚከበረዉ የዓለም የቱሪዝም ቀን ”ቱሪዝም ለሰላም” በሚል መር ቃል በቦንጋ ከተማ እየተከበረ ነዉ።