የሀውቲ ታጣቂዎች በእስራኤሏ ሀይፋ ወሳኝ ኢላማ ላይ ጥቃት ማድረሳቸውን ገለጹ

በኢራን እንደሚደገፉ የሚነገርላቸው የሀውቲ ታጣቂዎች በመርከቦች ላይ የመጀመሪያውን ጥቃት የሰነዘሩት ባለፈው ህዳር ወር ነበር

የሀውቲ ታጣቂዎች በትናንትናው እለት በኢራቅ ከሚንቀሳቀሰው እስላማዊ ታጣቂ ጋር በመሆን በእስራኤሏ ሀይፋ የሚገኝን ወሳኝ ኢላማ መምታታቸውን ገልጸዋል

የሀውቲ ታጣቂዎች በእስራኤሏ ሀይፋ ወሳኝ ኢላማ ላይ ጥቃት ማድረሳቸውን ገለጹ።

የሀውቲ ታጣቂዎች በትናንትናው እለት በኢራቅ ከሚንቀሳቀሰው እስላማዊ ታጣቂ ጋር በመሆን በእስራኤሏ ሀይፋ የሚገኝን ወሳኝ ኢላማ መምታታቸውን ገልጸዋል።

የሀውቲ ቃል አቀባይ ያህያ ሳርኣ በቴሌቪዥን ባለስተላለፈው መልእክት ወታደራዊ ኦፐሬሽኑ የተካሄደው “በበርካታ ባለክንፍ ሚሳይሎች” ነው ብሏል። ቃል አቀባዩ የተመታው ኢላማ ምን እንደሆነ አልገለጸም።

የሀውቲ ታጣቂ ቡድኖች ከእስራኤል ጋር እየተዋጋ ላለው የፍልስጤም ታጣቂ ቡድን ሀማስ አጋርነት ለማሳየት ከባለፈው ህዳር ጀምሮ በመርከብ መስመሮች ላይ የድሮን እና የሚሳይል ጥቃት እያደረሱ ይገኛሉ።

በኢራን እንደሚደገፉ የሚነገርላቸው የሀውቲ ታጣቂዎች በመርከቦች ላይ የመጀመሪያውን  ጥቃት የሰነዘሩት ባለፈው ህዳር ወር ነበር።

ታጣቂዎቹ እስካሁን በሰነዘሯቸው በርካታ ደርዘን በሚቆጠሩ ጥቃቶች ሁለት መርቦች ያሰጠሙ ሲሆን ሌላ አንድ ደግሞ በቁጥጥራቸው ስር አውለዋል። በእነዚህ ጥቃቶች ሶስት የመርከብ ሰራተኞችም ገድለዋል።

አሜሪካ እና እንግሊዝ በቀይ ባህር እና በኤደን ባህረሰላጤ በመርኮቦች የሚያደርሰውን ጥቃት ለመከላከል በሀውቲዎች ላይ ዘመቻ ከከፈቱ ቆይተዋል።

ሀገራቱ የመን ውስጥ በሚገኙት የሀውቲ ይዞታዎች ላይ ጥቃት እያደረሱ መሆናቸውን ገልጸዋል። ሆኖም ግን ይህ እርምጃ ታጣቃዎቹ በመርከቦች ላይ የሚያደርሱትን ጥቃት ማስቆም አልቻለም።

የሀውቲ ታጣቂዎች እስራኤል በጋዛ የምታደርሰውን ዘመቻ ካላቆመች እና በቂ የሰብአዊ እርዳታ የማይገባ ከሆነ፣ በቀይ ባህር በሚንቀሳቀሱ መርከቦች ላይ እርምጃ መውሰዳቸውን እንደሚቀጥሉ መግለጻቸው ይታወሳል።

Al-Ain